The News Sponsor By


The News Sponsor By
தேநீர்ப் பிரியரா நீங்கள்..? உங்களுக்கான ஒரு நற்செய்தி..! Thedipaar
 World

தேநீர்ப் பிரியரா நீங்கள்..? உங்களுக்கான ஒரு நற்செய்தி..!

 13.01.2020

சீனாவின் பெய்ஜிங்கின் சீன அகாடமி ஆஃப் மெடிக்கல் சயின்சஸ் தேநீர் அருந்துவது குறித்த ஒரு ஆய்வை சமீபத்தில் மேற்கொண்டுள்ளது. அதன்படி, தேநீர் அருந்துவது இருதய நோய் உள்ளிட்டவைகளினால் ஏற்படும் ஆபத்தைத் தடுக்கிறது என்று ஆய்வில் தெரிவிக்கப்பட்டுள்ளது.

தேயிலை அல்லது நீண்டகாலமாக தேநீர் குடிப்பவர்களுக்கு எளிதாக எந்த நோயின் தாக்கமும் இருக்காது என்று ஆராய்ச்சியாளர் வாங் கூறினார்.

ஐரோப்பிய ஜர்னல் ஆஃப் ப்ரீவென்டிவ் கார்டியாலஜி இதழில் வெளியிடப்பட்ட இந்த ஆய்வில், மாரடைப்பு, பக்கவாதம், புற்றுநோய் அல்லாத 1 லட்சத்து 902 பேர் பங்கேற்றனர். இவர்கள் இரண்டு குழுக்களாக வகைப்படுத்தப்பட்டனர்: வழக்கமாக தேநீர் குடிப்பவர்கள் (வாரத்திற்கு மூன்று அல்லது அதற்கு மேற்பட்ட முறை) மற்றும் வாரத்திற்கு மூன்று முறைக்கும் குறைவாக தேநீர் குடிப்பவர்கள்.

இதில், வழக்கமாக தேநீர் அருந்துபவர்களுக்கு இதய நோய், பக்கவாதம் உள்ளிட்டவைகள் தாக்கம் மிகவும் தாமதாகவே ஏற்பட்டது. அதே நேரத்தில் வாரத்திற்கு மூன்று முறைக்கும் குறைவாக தேநீர் குடிப்பவர்களுக்கு சில ஆண்டுகளுக்கு முன்னதாகவே மேற்குறிப்பிட்ட நோய்களின் தாக்கம் ஏற்பட்டுள்ளது. இவ்விரண்டு பிரிவினருக்கும் நோய் தாக்கத்திற்கான இடைவெளி 5 முதல் 8 ஆண்டுகள் வித்தியாசம் இருப்பதாக ஆய்வாளர்கள் தெரிவிக்கின்றனர்.

எனவே, இருதய பாதுகாப்பிற்கு தேநீர் உட்கொள்வது சிறந்தது என்றும் முக்கியமாக கிரீன் டீ மற்றும் பிளாக் டீ ஆகியவை இருதய நோய், உயர் இரத்த அழுத்தம், டிஸ்லிபிடீமியா (dyslipidaemia) உள்ளிட்ட ஆபத்துகளில் இருந்து பாதுகாக்கிறது என்றும் ஆய்வு முடிவில் தெரிவிக்கப்ட்டுள்ளது.

Share this news

News Subscription




Comments:-