The News Sponsor By


The News Sponsor By
வௌவால் உண்ணும் பாம்புகளிலிருந்து பரவிய கொரோனா வைரஸ்: ஆய்வாளர்கள் தகவல்.! Thedipaar
 World

வௌவால் உண்ணும் பாம்புகளிலிருந்து பரவிய கொரோனா வைரஸ்: ஆய்வாளர்கள் தகவல்.!

 25.01.2020

உலகையே மிரட்டத் தொடங்கியுள்ள கொரோனா வைரஸ் பாம்புகளிலிருந்து மனிதர்களுக்குத் தொற்றியிருக்கலமா என ஆய்வாளர்கள் கண்டறிந்துள்ளனர்.

2019ஆம் ஆண்டு டிசம்பர் மாதத்தின் மத்தியில் சீனாவின் வுஹான் நகரில் கொரோனா வைரஸ் தாக்கம் முதல் முதலில் கண்டுபிடிக்கப்பட்டது. வேகமாகப் பரவிய அந்த வைரஸ் தற்போது சீனாவில் 17 மாகாணங்களில் 550 பேருக்கு மேற்பட்டவர்களைப் பாதித்துள்ளது. அந்நாட்டில் மட்டும் இதுவரை 17 பேர் இந்த வைரஸ் தாக்குதலால் இறந்துள்ளனர்.

இந்நிலையில் ஒரு மருத்துவ ஆய்விதழ் (Journal of Medical Virology) வெளியிட்டுள்ள கொரோனா வைரஸ் குறித்த ஆய்வுக் கட்டுரையில், வௌவால் மற்றும் அறியப்படாத வேறொரு உயிரினத்தின் வைரஸ்கள் இணைந்து புதிய கொரோனா வைரஸ் தோன்றியிருக்கலாம் எனக் கூறப்படுகிறது.

இந்த வைரஸ் முதலில் பாம்புகளிலிருந்து மனிதர்களுக்குப் பரவியிருக்கலாம் என்றும் அந்த ஆய்வு தெரிவிக்கிறது. இந்த ஆய்வில் கிடைத்துள்ள முடிவுகள் இந்த வைரஸைத் தடுக்கும் முயற்சிக்கு பயனுள்ளதாக இருக்கும் என ஆய்வாளர்கள் கூறியுள்ளனர்.

2002-2003ல் சீனா, ஹாங்காங்கில் பரவிய சார்ஸ் (SARS) வைரஸ் 8,422 பேரைப் பாதித்தது. சுமார் 900 பேர் உயிரிழந்தனர். கொரோனா வைரஸின் தாக்கம் இந்த சார்ஸ் வைரஸைப் போல இருப்பதாகக் கூறப்படுகிறது.

Share this news

News Subscription




Comments:-