Published:28.11.2020Category:India

"கொரோனா வைரஸ் உருவான இடம் இந்தியா" : சீனா குற்றச்சாட்டு!

ஷாங்காய் உயிரியல் அறிவியல் கல்வி நிறுவன விஞ்ஞானிகள் மேற்கொண்ட ஆராய்ச்சியில் வுகானுக்கு முன்னரே இந்திய துணைக்கண்டத்தில் கொரோனா வைரஸ் இருந்தன என்றும், ஆனால் சீனாவில் உருவானது தவறாக கூறப்படுகிறது எனவும் குறிப்பிட்டுள்ளனர்.

கொரோனா வைரஸ் வுகானில் உள்ள மார்க்கெட்டில் இருந்து பரவத் தொடங்கியது என்று கூறப்படுகிறது. இந்நிலையில் சீன விஞ்ஞானிகள் ஆய்வுக் கட்டுரை ஒன்றை வெளியிட்டுள்ளனர். அதில் இந்தியா மற்றும் பங்களாதேஷ் மீது குற்றம் சாட்டியுள்ளனர்.

வைரஸில் ஏற்படும் மரபணு மாற்றம் ஆஸ்திரேலியா, பங்களாதேஷ், கிரீஸ், அமெரிக்கா, ரஷ்யா, இத்தாலி, செக் குடியரசு ஆகிய நாடுகளில் குறைவாக இருந்ததாகவும் ஆய்வறிக்கையில் குறிப்பிடப்பட்டுள்ளது.

இந்தியா மற்றும் பங்களாதேஷில் தான் வைரஸ் முதலில் தோன்றியதற்கான சாத்தியக் கூறுகள் இருப்பதாக சீன விஞ்ஞானிகள் கூறுகின்றனர். இந்தியாவின் அதிக மக்கள் தொகை, வித்தியாசமான கால நிலை ஆகியவை வைரஸ் மனிதனுக்கு பரவ ஏதுவாக அமைந்துவிட்டன என்று விஞ்ஞானிகள் கூறியுள்ளனர்.

தங்கள் ஆராய்ச்சியின் மூலம் வுகானில் இருந்து முதன்முதலில் கொரோனா வைரஸ் பரவவில்லை என்று தெரியவந்துள்ளதாக திட்டவட்டமாக கூறியுள்ளனர். ஆனால் இதனை இந்திய விஞ்ஞானிகள் மறுத்துள்ளனர்.