Published:03.11.2021Category:Srilanka

இராணுவ சிப்பாய் வாகன விபத்தில் ஸ்தளத்தில் பலி.

திருகோணமலை மாவட்டம் தம்பலகாமம் பொலிஸ் பிரிவுக்குட்பட்ட கண்டி திருகோணமலை பிரதான வீதியின் தம்பலகாமம் சந்திக்கு அருகாமையில் நேற்று இரவு 7.00 மணியளவில் இடம்பெற்ற வாகன விபத்தில் இளைஞன் ஒருவர் ஸ்தலத்தில் பலியாகியுள்ளதாக தம்பலகாமம் பொலிஸார் தெரிவித்தனர்.

இவ்வாறு உயிரிழந்தவர் கந்தளாவ,கந்தளாய் எனும் முகவரியை வசிப்பிடமாகக் கொண்ட இரானுவ சிப்பாயான அகில மல்சாந் வயது (22) எனவும் தெரியவருகிறது.

குறித்த விபத்து சம்பவம் தொடர்பில் தெரியவருவதாவது இளைஞன் வீதியை கடக்க முற்பட்ட போது வாகனம் மோதி விட்டு சாரதி தப்பிச் சென்றுள்ளதாக ஆரம்ப கட்ட விசாரனையின் போது தெரியவருகிறது.

மோதி விட்டு தப்பிச் சென்ற வாகன சாரதியை கைது செய்ய தேடுதல் நடவடிக்கை எடுக்கப்படுவதாகவும் பொலிஸார் தெரிவித்தனர்.

உயிரிழந்தவரின் சடலம் தம்பலகாமம் பிரதேச வைத்தியசாலையில் வைக்கப்பட்டு திருகோணமலை பொது வைத்தியசாலைக்கு கொண்டு சென்று பிரேத பரிசோதனையின் பின் உறவினர்களிடம் நேற்று மாலை (2) ஒப்படைக்கப்பட்டதாகவும் தெரிவிக்கப்படுகிறது.

இச் சம்பவம் தொடர்பில் மேலதிக விசாரனைகளை தம்பலகாமம் பொலிஸார் முன்னெடுத்துள்ளனர்.