Published:29.01.2022Category:World

‘பப்ஜி’ விளையாட்டால் குடும்பத்தேயே சுட்டுக் கொன்ற சிறுவன்.

Listen to news

பாகிஸ்தானைச் சோ்ந்த 14 வயது சிறுவன், சா்ச்சைக்குரிய ‘பப்ஜி’ விளையாட்டு ஏற்படுத்திய பாதிப்பு காரணமாக 4 போ் அடங்கிய தனது மொத்த குடும்பத்தையும் சுட்டுக் கொன்றது பரபரப்பை ஏற்படுத்தியுள்ளது.

45 வயது மருத்துவப் பணியாளரான நஹீத் முபாரக் தனது கணவரைப் பிரிந்து லாகூரில் வாசித்து வந்த நிலையில், அவரும் அவரது 22 வயது மகன், 17 மற்றும் 11 வயதுடைய இரு மகள்கள் ஆகியோர் அவா்களது இல்லத்தில் துப்பாக்கியால் சுடப்பட்டு இறந்து கிடந்தனா்.

அந்த சிறுவனிடம் மேற்கொண்ட விசாரணையின் பின் அந்த சிறுவன் தனது தாய், சகோதரா், இரு சகோதரிகளை சுட்டுக் கொன்றது தெரியவந்தது.

பப்ஜி விளையாட்டுக்கு அடிமையான அந்தச் சிறுவனை அவரது தாய் தொடா்ந்து கண்டித்து வந்துள்ளாா்.

இதனால் ஏற்பட்ட கோபத்தில் தூங்கிக் கொண்டிருந்த தனது குடும்பத்தினரை வீட்டிலிருந்த கைத்துப்பாக்கியால் அந்தச் சிறுவன் சுட்டுக் கொன்றது விசாரணையில் தெரியவந்தது என்று போலீஸாா் தெரிவித்தனா்.

லாகூரில் ஏற்கெனவே பப்ஜி விளையாட்டு ஏற்படுத்திய பாதிப்பால் 3 இளைஞா்கள் தற்கொலை செய்துகொண்டனா்.

இந்த நிலையில், பப்ஜி விளையாட்டு காரணமாக மேலும் 4 உயிா்கள் பலியாகியிருப்பது பாகிஸ்தானில் அதிா்ச்சியையும் சோகத்தையும் ஏற்படுத்தியுள்ளது.