Published:06.06.2022Category:Cinema

முதல்வருக்கும் நேரில் சென்று அழைப்பு வைத்த நயன்தாரா! கல்யாணத்திற்கு க

தங்கள் திருமணத்திற்காக தமிழக முதல்வர் மு.க.ஸ்டாலினை நேரில் சந்தித்து அழைத்து விட்டு வந்துள்ளனர் நயன்தாராவும் விக்னேஷ் சிவனும். முதலில் இவர்களின் திருமணம் திருப்பதியில் நடைபெற உள்ளதாக கூறப்பட்டது. பிறகு வெளியான இவர்களின் திருமண அழைப்பிதழில் மகாபலிபுரத்தில் நடைபெறும் என குறிப்பிடப்பட்டிருந்தது.

நடிகை நயன்தாரா - டைரக்டர் விக்னேஷ் சிவனின் திருமணம் ஜுன் 9 ம் தேதி மகாபலிபுரத்தில் உள்ள மகாப்ஸ் ரிசார்ட்டில் நடைபெற உள்ளது. அதிகாலை 4.30 மணி துவங்கி 7 மணி வரை இவர்களின் திருமணம் நடைபெற உள்ளது. இந்த விழாவில் கலந்து கொள்ள 200 பேருக்கு அழைப்பு விடுக்கப்பட்டுள்ளது.

ரஜினி, விஜய், அஜித் உள்ளிட்ட பலரும் நயன்தாரா - விக்னேஷ் சிவனின் திருமண விழாவில் கலந்து கொள்ள உள்ளதாக கூறப்படுகிறது. இந்த திருமண விழாவை டைரக்டர் கெளதம் மேனன் இயக்க உள்ளதாகவும், நெட்ஃபிளிக்சில் இந்த திருமண விழா ஒளிபரப்பு செய்யப்பட உள்ளதாகவும் சமீபத்தில் தகவல் வெளியானது. திருமண ஏற்பாடுகள் தீவிரமாக நடைபெற்று வருகிறது.

இந்நிலையில் நயன்தாராவும், விக்னேஷ் சிவனும் தமிழக முதல்வர் மு.க.ஸ்டானை நேரில் சந்தித்து தங்களின் திருமண அழைப்பிதழை கொடுத்து, திருமணத்திற்கு அழைப்பு விடுத்துள்ளனர்.

https://thedipaar.com