சூப்பர்ஸ்டார் ரஜினிகாந்த் செய்யும் பல நல்ல விஷயங்கள் பலருக்கும் தெரியாமல் போய்விடுகிறது. இந்த நிலையில், ரஜினிகாந்த் தங்களது குடும்பத்திற்கு செய்த மாபெரும் உதவியை பிரபல நடிகர் லிவிங்ஸ்டன் பேட்டி ஒன்றில் கூறி நெகிழ்ந்துள்ளார். திரையுலகில் மிகவும் பிரபலமானவர் நடிகர் லிவிங்ஸ்டன். சமீபத்தில் லால் சலாம் படத்தில் கூட ரஜினியின் நண்பராக நடித்திருந்தார். பல ரஜினி படங்களில் இவரை பார்க்கலாம். இவர் பல குணசித்திர வேடங்களில் நடித்து கலக்கி இருப்பார். நடிகர் லிவிங்ஸ்டன் மனைவி மாரடைப்பால் உயிருக்கு போராடியுள்ளார். கையில் பணம் இல்லை, என்ன செய்வது என்று மன கஷ்டத்தில் இருந்துள்ளார். இதை கேள்விப்பட்ட ரஜினிகாந்த் உடனடியாக நடிகர் லிவிங்ஸ்டனை சந்தித்து, 15 லட்சம் ரூபாயை எடுத்து நடிகர் லிவிங்ஸ்டனிடம் கொடுத்துள்ளார்.
முதலில் பணத்தை வாங்க தயங்கியுள்ளார் நடிகர் லிவிங்ஸ்டன். நான் உங்களை என்னுடைய சகோதரனாக பார்க்கிறேன் என ரஜினிகாந்த் கூறிய பிறகு, அந்த பணத்தை வாங்கி மனைவியின் உயிரை காப்பாற்றியுள்ளார் லிவிங்ஸ்டன்.
இதுமட்டுமின்றி, இன்னும் பணம் வேண்டும் என்றாலும், கேளுங்கள் `தயங்க வேண்டாம் என கூறியுள்ளார் ரஜினி. இப்படி பலருக்கும் உதவி செய்துள்ளார் ரஜினி. இப்போது ரஜினியின் புகைப்படம் தன்னுடைய பூஜை அறையில் இருப்பதாக கூறியுள்ளார் லிவிங்ஸ்டன்.
