அமெரிக்காவின் இரட்டை வேடம் ; தோலுரித்துக் காட்டிய ஈரான்!

Previous Next

Font size:

அமெரிக்காவுடனான சாத்தியமான உடன்படிக்கை தொடர்பாக இதுவரை எந்த இறுதி முடிவும் எடுக்கப்படவில்லை என்றும், தேசிய நலன்கள் தொடர்பான தனது “சிவப்பு கோடுகளை” ஒருபோதும் விட்டுக்கொடுக்காது என்றும் ஈரான் திட்டவட்டமாக அறிவித்துள்ளது.

இந்த தகவலை ஈரானிய வெளியுறவு அமைச்சகத்தின் செய்தித் தொடர்பாளர் இஸ்மாயில் பாகேய் தெரிவித்துள்ளார்.

உடன்படிக்கை கையெழுத்தாகும் நேரம் மற்றும் இடம் குறித்து வெளியாகும் தகவல்கள் அனைத்தும் வெறும் ஊகங்கள் மட்டுமே என்றும், இதுவரை எந்த ஒப்பந்தமும் இறுதி செய்யப்படவில்லை என்றும் அவர் விளக்கமளித்தார்.

மேலும், இருதரப்பு பேச்சுவார்த்தைகளில் பெரும்பாலான அம்சங்கள் ஏற்கனவே விவாதிக்கப்பட்டு முடிவடைந்திருந்தாலும், அமெரிக்கா தொடர்ந்து தனது நிலைப்பாடுகளை மாற்றியமைத்ததே தற்போதைய இழுபறிக்கு முக்கிய காரணம் என அவர் குற்றம்சாட்டினார்.

ஈரானின் தேசிய நலன்கள் மற்றும் பாதுகாப்பு தொடர்பான முக்கிய விடயங்களில் எந்தவித சமரசத்திற்கும் இடமில்லை என்றும் அவர் வலியுறுத்தினார்.

இதற்கிடையில், அமெரிக்க அதிபர் டொனால்ட் டிரம்ப் ஈரானுடனான போர் நிறுத்தம் மற்றும் சாத்தியமான உடன்படிக்கை குறித்து அண்மையில் பல்வேறு கருத்துகளை வெளியிட்டு வந்தார்.

ஆனால், ஈரான் தரப்பிலிருந்து தற்போது வெளியாகியுள்ள இந்த அதிகாரப்பூர்வ பதில், பேச்சுவார்த்தைகள் இன்னும் முடிவுக்கு வரவில்லை என்பதை வெளிப்படுத்தியுள்ளது.

இதனால் அமெரிக்கா – ஈரான் உறவுகள் மீண்டும் சர்வதேச அரசியல் அரங்கில் முக்கிய கவனத்தை ஈர்த்துள்ளன.