ஹோர்முஸ் இனி அமெரிக்காவின் பகுதி!

Previous Next

Font size:

அமெரிக்காவின் வாக்குறுதிகள் நிறைவேற்றப்படும் வரை ஹோர்முஸ் நீரிணை திறக்கப்படாது என ஈரான் அறிவித்துள்ள நிலையில், ஹோர்முஸ் நீரிணை இனி அமெரிக்காவின் ஒரு பகுதியாக இருக்கும் என அமெரிக்க அதிபர் டொனால்ட் டிரம்ப் தெரிவித்துள்ளதாக தகவல்கள் வெளியாகியுள்ளன.

ஹோர்முஸ் நீரிணை உலகின் முக்கியமான எரிசக்தி கடல்வழிகளில் ஒன்றாக இருப்பதால், அதன் கட்டுப்பாடு தொடர்பான அமெரிக்கா மற்றும் ஈரானின் நிலைப்பாடுகள் சர்வதேச அளவில் பெரும் கவனத்தை ஈர்த்துள்ளன.

ஈரான் தொடர்ந்து நீரிணை மீதான தனது கட்டுப்பாட்டை வலியுறுத்தி வரும் நிலையில், அமெரிக்கா அதனை சர்வதேச கப்பல் போக்குவரத்துக்கு திறந்துவிட வேண்டும் என அழுத்தம் கொடுத்து வருகிறது.

இதனிடையே, ஹோர்முஸ் நீரிணை விவகாரத்தில் அமெரிக்கா மற்றும் ஈரான் இடையே உடன்பாடு ஏற்படுவதற்கான முயற்சிகள் தொடர்ந்து இடம்பெற்று வருவதாகவும் தகவல்கள் தெரிவிக்கின்றன.

ஹோர்முஸ் நீரிணை வழியாக முன்னதாக உலக வர்த்தக எண்ணெய் மற்றும் எரிவாயுவின் குறிப்பிடத்தக்க பகுதி கொண்டு செல்லப்பட்டதால், நீரிணையில் ஏற்படும் எந்தவொரு தடையும் உலகளாவிய எரிபொருள் விலைகள் மற்றும் வர்த்தகத்தில் தாக்கத்தை ஏற்படுத்தக்கூடும்.

இந்த நிலையில், டிரம்பின் புதிய அறிவிப்பு அமெரிக்கா – ஈரான் மோதலை மேலும் தீவிரப்படுத்துமா என்ற கேள்வி எழுந்துள்ளது.