“அணுசக்தியில் எந்த சலுகையும் இல்லை!” – ஈரானின் அதிரடி

Previous Next

Font size:

ஈரானின் அணுசக்தித் திட்டம் தொடர்பாக எந்தவிதமான சலுகைகளையும் வழங்கத் தயாரில்லை என மூத்த ஈரானிய அதிகாரி ஒருவர் ராய்ட்டர்ஸிடம் தெரிவித்ததாக தகவல் வெளியாகியுள்ளது.

ஹார்முஸ் நீரிணையை மீண்டும் திறப்பது தொடர்பாக ஈரான் முன்வைத்துள்ள முன்மொழிவை அமெரிக்கா ஏற்றுக்கொண்டாலும், அணுசக்தி திட்டம் தொடர்பான தனது நிலைப்பாட்டில் தெஹ்ரான் மாற்றம் செய்யாது என அந்த அதிகாரி கூறியதாக தெரிவிக்கப்படுகிறது.

ஈரானின் முன்மொழிவின்படி, ஹார்முஸ் நீரிணையை மீண்டும் திறப்பதற்கு பதிலாக, அனைத்து முனைகளிலும் பகைமை முடிவுக்கு வருதல், ஈரானிய துறைமுகங்கள் மீதான அமெரிக்க முற்றுகை நீக்கம், முடக்கப்பட்ட நிதிகளை விடுவித்தல் மற்றும் எண்ணெய் தடைகளை தளர்த்துதல் உள்ளிட்ட நிபந்தனைகள் முன்வைக்கப்பட்டுள்ளதாக கூறப்படுகிறது.

மேலும், அமெரிக்கா தனது நிபந்தனைகளை நிறைவேற்றிய பின்னரே அணுசக்தித் திட்டம் குறித்து விரிவான பேச்சுவார்த்தைகளில் ஈடுபடத் தயாராக இருப்பதாக ஈரான் தெரிவித்துள்ளது.

யுரேனியம் செறிவூட்டல் உள்ளிட்ட தனது அணுசக்தி தொடர்பான உரிமைகளில் எந்தவித சலுகையும் வழங்கப்படாது என ஈரானிய அதிகாரி தெரிவித்ததாக ராய்ட்டர்ஸ் செய்தி நிறுவனம் கூறுகிறது.

ஹார்முஸ் நீரிணை உலகளாவிய எண்ணெய் மற்றும் கடல் வர்த்தகத்திற்கு முக்கியமான பாதையாக இருப்பதால், ஈரான்–அமெரிக்க பேச்சுவார்த்தைகளில் இந்த விவகாரம் முக்கிய இடம் பெற்றுள்ளது.