மார்க்கமில் நாயை அழைத்துக்கொண்டு நடமாட சென்ற பெண் ஒருவர் பாலியல் வன்கொடுமைக்கு ஆளானதை அடுத்து, போலீசார் சந்தேக நபரை தேடி வருகின்றனர்.
மே 4 ஆம் தேதி இரவு 7 மணிக்குப் பிறகு ரிவர்வாக் டிரைவ் மற்றும் போஸ்வெல் சாலைக்கு இடையேயான ஒரு பாதையில் அந்தப் பெண் தனது நாயை அழைத்துக்கொண்டு நடந்து சென்றதாக யார்க் பிராந்திய காவல்துறை கூறுகிறது.
ஒரு ஆண் அந்தப் பெண்ணை அணுகி அவளது நாயைப் புகைப்படம் எடுக்க கேட்டுள்ளார்.
அப்போது சந்தேக நபர் பாதிக்கப்பட்ட பெண்ணை அவளது அனுமதியின்றி பாலியல் ரீதியாக தொட்டார் என்று பொலிசார் தெரிவித்தனர்.
அந்த பெண் அந்த இடத்தை விட்டு தப்பித்து காவல்துறையை தொடர்பு கொண்டார். அப்பகுதியில் தேடுதல் வேட்டை நடத்தியும் அந்த நபரை போலீசார் கண்டுபிடிக்க முடியவில்லை.
இருப்பினும் அவர் அப்பகுதியை நன்கு அறிந்தவர் என்று போலீசார் நம்புகிறார்கள். சந்தேக நபர், தெற்காசிய நாட்டவர், 20 முதல் 30 வயதுடையவர் என தெரிவிக்கப்பட்டுள்ளது.
