தமிழ்நாட்டில் இன்று காலை முதல் சென்னை மற்றும் அதன் புறநகர் பகுதிகளான காஞ்சிபுரம், செங்கல்பட்டு மற்றும் திருவள்ளூர் ஆகிய மாவட்டங்களில் மழை பெய்து வருகிறது. இன்று காலை 10 மணி வரையில் மழை நீடிக்க வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. இன்று காலை முதல் மழை பெய்து வருவதால் மேற்கண்ட மாவட்டங்களுக்கு விடுமுறை வழங்கப்படும் என்று எதிர்பார்ப்பு இருந்த நிலையில் தற்போது மாவட்ட ஆட்சியர்கள் அது தொடர்பான அறிவிப்பை வெளியிட்டுள்ளனர்.
அதாவது இன்று வழக்கம் போல் சென்னை, செங்கல்பட்டு, காஞ்சிபுரம் மற்றும் திருவள்ளூர் ஆகிய மாவட்டங்களில் பள்ளி கல்லூரிகள் செயல்படும் என்று தெரிவிக்கப்பட்டுள்ளது. மேலும் வங்கக்கடலில் புதிய காற்றழுத்த தாழ்வு பகுதி உருவானதால் சென்னை மற்றும் அதன் கடலோர மாவட்டங்களில் மழை பெய்ய வாய்ப்புள்ளதாக தெரிவிக்கப்பட்டுள்ளது என்பது குறிப்பிடத்தக்கதாகும்.
