அமெரிக்காவின் மிச்சிகன் நகரில் வணிக வளாகத்தின் கூரையில் சுமார் 1 வருடமாக 34 வயது பெண் ஒருவர் வசித்து வந்தது சமீபத்தில் கண்டுபிடிக்கப்பட்டது.
மேற்கூரைக்கு செல்ல சரியான வழி இல்லாததால், பக்கத்து கட்டிடங்கள் வழியாக தினமும் சென்று வந்ததாக கூறப்படுகிறது. வணிக வளாகத்தின் மேற்கூரைக்கு செல்லும் கம்பி இருந்ததை ஒப்பந்ததாரர் கண்டறிந்தபோது, இளம்பெண் 1 வருடமாக மேற்கூரை பகுதியில் வசித்து வந்தது தெரியவந்தது.
இது தொடர்பாக அந்த பெண்ணிடம் போலீசார் விசாரணை நடத்தியபோது, தங்குவதற்கு உரிய வீடு இல்லாததால் கூரையில் வசித்து வருவதாக கூறியுள்ளார்.
சிறிய மேஜை ,கணினி, காபி மேக்கர், அவரது உடைகள் மற்றும் சில வீட்டுப் பொருட்களுடன் அந்த பெண் வசித்தது தெரியவந்துள்ளது.
போலீசார் எச்சரித்ததையடுத்து அவர் அங்கிருந்து செல்வதாக ஒப்புக்கொண்டார். அவர் மீது எந்த நடவடிக்கையும் எடுக்கப்படவில்லை.
