எந்த நடிகைக்கு இந்த தில்லு இருக்கும்? ஹீரோக்களின் முகத்திரையை கிழித்த ஹீரோயின்!

தமிழில் வெற்றிமாறன் இயக்கத்தில் தனுஷ் நடிப்பில் வெளிவந்த ஆடுகளம் படத்தின் மூலம் நடிகையாக அறிமுகமானவர் டாப்சி. அதன்பின் வந்தான் வென்றான், ஆரம்பம், காஞ்சனா 2 ஆகிய படங்களில் நடித்து வந்தார். என்னதான் தமிழில் வாய்ப்புகள் குவிந்தாலும் இவர் பாலிவுட்டில் தான் அதிகம் கவனம் செலுத்தி வருகிறார். தமிழில் தனக்கான ரசிகர் பட்டாளத்தை உருவாக்கி கொண்டாலும் இவரது இலக்கு என்பது பாலிவுட்டில் தான். பாலிவுட் சினிமாவில் பிரபலமான நடிகையாக இருக்கும் இவர் சமீபத்தில் Dunki மற்றும் Judwaa 2 ஆகிய படங்களில் நடித்திருந்தார். இந்த படங்களில் நடிப்பதற்காக அதிக சம்பளம் வாங்கியதாக இணையத்தில் தகவல் பரவியது.அதற்கு நடிகை டாப்சி மறுப்பு தெரிவித்துள்ளார். Dunki மற்றும் Judwaa 2 போன்ற படங்களில் பணத்திற்காக நடித்ததாக மக்கள் நினைக்கிறார்கள். தான் அதிக சம்பளம் பெறவில்லை என கூறி சர்ச்சைக்கு முற்றுப்புள்ளி வைத்தார். 

மேலும் பேசிய அவர் இப்போதெல்லாம் படங்களில் ஹீரோயின் யார் என்பதை ஹீரோக்கள் தான் முடிவு செய்கிறார்கள். இது நமக்கு தெரிந்த விஷயம் தான். அதில் சிலர் டிரெண்டிங்கில் இருக்கும் ஒருவரை நடிக்க வைக்க நினைப்பார்கள். சிலர், தங்களை விட சிறிய நடிகைகளை நடிக்க வைக்க விரும்புவார்கள் என கூறியுள்ளார். என்னதான் இந்த தகவல் எல்லோர்க்கும் தெரிந்த ஒன்றாக இருந்தாலும் கூட இதுவரை எந்த ஹீரோயினும் வெளிப்படையாக சொல்லாத தகவல் என்பதால் டாப்ஸியை பாராட்ட வேண்டும் என அவரை கொண்டாடுகிறது அவரது ரசிகர் கூட்டம்.