விருது விழா ஒன்றில் விஜய் வரும்போது, இயக்குனர் பாலா எழுந்திருக்காமல் இருந்தது இணையத்தில் படுவைரலாக மாறியது. விஜய்க்கும், பாலாவுக்கும் இடையே மோதல் அதனால் தான் விஜய்க்கு அவர் மரியாதை கொடுக்கவில்லை, எழுந்திருக்க வில்லை என்பது போல் பல விஷயங்கள் உலா வந்தது. சினிமா வட்டாரங்களும் ஊடக வட்டாரங்களும் சும்மாவே திரித்து விடுவார்கள் இப்போது சும்மா இருப்பார்களா?? விஜய்க்கும் பாலாவிற்கும் இடையே பல சர்ச்சை தகவல்களை கிளம்பிவிட்டார்கள்.
இந்த நிலையில், இயக்குனர் பாலாவிடம் சமீபத்தில் பேட்டி ஒன்றில், இதுகுறித்து கேள்வி கேட்கப்பட்டது. இதற்கு இயக்குனர் பாலா வெளிப்படையாக பதிலளித்துள்ளார். இது ஒரு செய்தியாக ஆக்கப்பட்டு இருக்கு. அறியாமல் எழுந்து நிற்கவில்லை அவ்வளவு தான். அப்படியே இருந்தாலும், நான் ஏன் எழுந்திருச்சு நிக்கணும்? என்னைவிட எவ்வளவோ வயதில் சின்ன பையன், நான் ஏன் எழுந்திருச்சு நிக்கணும்? அது கவனக்குறைவாக நடந்தது தானே தவிர, ஒருவரை அவமானப்படுத்த வேண்டும் என்பதற்காக நடந்தது அல்ல.
இன்னும் சொல்லப்போனால் எனக்கு விஜய்யை மிகவும் பிடிக்கும். ஒரு முறை நான், என் மகள், விஜய் மற்றும் அவரது மனைவி பேசிக்கொண்டிருந்த போது, என் மகள் ஓடிபோய் விஜய்யின் மடியில் அமர்ந்துகொண்டாள்.அப்போது விஜய் தனது கையில் செல்போனை எடுத்து செல்பீ எடுக்கும்போது, என்னைப்பார்த்து, உங்கள் மகளுடன் செல்பீ எடுத்துகொள்ளவா? என கேட்டார். இந்த ஒழுக்கம் எனக்கு ரொம்பவே பிடித்து போனது, அது மட்டும் இல்லை நல்ல நடிகர், பண்பான மனிதர் அவரை ஏன் நான் அவமானப்படுத்த வேண்டும்? என கூறி சர்ச்சைகளுக்கு முற்றுப்புள்ளி வைத்துள்ளார்.
